رمضانكم مبروك

رمضان مبروك على البنيا

الي كل صباح يجريوا على الخبزة الم

رمضان مبروك على بياع الكاكي في المحطة

الي بش تضربو لبطالة

رمضان مبروك على الخديمة

الي بشتتهتك في الكوجينة

رمضان مبروك على العساسة

رمضان مبروك على البحارة

رمضان مبروك على خدامة المناجم

رمضان مبروك على الزوالي الي

قاعد في الجامع يستنا

في فاعل الخير

رمضان مبروك على ليتما والثكالة والمنسين

رمضان مبروك على على الكلوشرات

الي قعدين على عتبة البرات

رمضان مبروك على النصابة

رمضان مبروك علي حارق وعلي ولدو مات في الغارق

رسالة الى بشار ابن الاسد

ياخي صدقت الي سوريا ورثا
كذب عليك الي قالك سوريا رزق الوالد
سوريا الولادها
سوريا لبتها
سوريا ماهش مزرعة الوالد
ترتع فيها كيما تحب
ويينك ورني بطشك
رزق الوالد محتل
وينك وينك في الجولان
ولامالخر تلعط جبان
اما متخاف ميعجبك في الدهر كان طولوا
وبينتنا ليمات
غدوة تصبح سوريا حرة
غدوة تفرح درع المجروحة
غدوة حفلة في الحمص المنسية
وياولد الاسد جايك انهار
وتخرج منها كل فار
وتكمل فرحتنا ابتحرير الجولان

ouled l'avenue

بياع الكاكي مزال يبع في المحطة

تعدات سنين

ثارت البلاد

وهوا مزال في المحطة

يقوم السبعة يحط النصبة ويبد يستنا

وكالطفل الي يجي يطلب فالمحطة

مع الستة متع العشيةويبد هارب

مل الكنترولور

وكيتشد مسكين

يكل على مرمتو

تعداة السنين

وعمل نصبة

فالسوق سيدي بمونديل

لبارح هارب مل الكنترولور

ليوم هارب مل بلديةوحيتو هيا هيا

الصبابتي الي في دخلة نهج قرطاج وينو

وكل المرى الي تعس على الكراهب في نهج قرطاج

تبدا بلعتوا وكشاكشها طالعا

عندي برشة ماريتهاش زاد هية زعم وينهوم

..................ونتوما تعرفوهوم؟

par rêveur tounsi

اعطييني حجرتي خنكفر على ذنوبي(a la mémoir de Atefah Rajabi Sahaaleh)

قالوا انتي زانية

والزنا حرام

ورجمك واحب

جابوا ربع شهود

قلت رك مضلومة

حد مسمع

حبيت تحكي

اما الله غالب صوتك عورة

حبيت تقول لي صار

تقول الي انتي ضحية موش زانية

تحب تقول الي بولحية اغتصبك وقتلي كنت في حالة ايقاف

حد ميسمعك بولحيا تقي بولحيا يخاف ربي

بولحيا مايعمل شية

هزوها هزوها

هيا نرجمومها

على كل حجرة عندك حسنة

ميهمش مضلومة ولا خاطيكك

سيدي الشيخ قال يوفا الحديث

اعطيني حجرتي خنكفرعلى ذنوبي

شبيك تضحك (Hommage à Hossein Kavoussifar )

لشكون تتبسم

تتبسم لدنيا الكلبة؟

ولا لي نصبلك المشنقة؟

تيقولي لشكون

لشكون تتبسم

تتبسم للموت؟

تقول انتي ملا راحة

نحنان حرارو مسيبين وتبسمناش

شنوة التبسيمة

ولا تتمقعر علينا

كيفاش بعوج الدنيا قبيلين

ولجماعة بولحية مسلمين

فسرلي لواش تتبسم

وشباهم مراو منك كان التبسيم

قلهم قداش انروه قتل كل الخيط

قلهم الي كليوم يتنصب الخيط

قلهم ضحكة فماشي متفيقوا

ولد الزوالي

يا تونس يامسكينة

ياتونس رنا أولادك علاش هكا

شهدائنا في القبور

وليقتلهم في القصور

ولد الزوالي طلع راسو

ولد الزوالي حب يثور

يثور على سيادو

يخسرو عليه كرتوشةتهزوا

تبكي أموا

نعملوه تصوير

غدوى ننسوه

حد يثور على سيادنا

ولي طلع راسو كرتوش تمحيه

هيا علقو تصاور سيدكم

اخرجو صفق تويرضاو علينا

و قولو يستاهل حد ميثور على سيدنا

سكرو الجوامع

وعملو صنم لسيادكم وعبدوهم

أنعيشو عبيد لسيدنا

يا شعب أخطاك

قلو تثور

الطلع راسك كرتوش تهزك تمحيك

ياسيادنا يجي نهار وتغرقو في الدموماتنا و

في دمعة ام مسكينة

تتكسرو كالصنم

ونعيش احرار

و كان حبيتي ياتونس ولد الزوالي يولي سيد سيدهم

par rêveur tounsi

هيبة الدولة

هيبة الدولة تستنا فيك

هيا يبوليس جيب متراكك

البس الكاسك

اضرب ايمين ويسار

شعليك كبير صغير مراة ولا راجل

هيبة الدولة تحميك

ضربتين غاز في السماء

يتفرقوا كالجراد

ضربتين في الساقين

يتزادزنا زوز موعاقين

شعليك هيبة الدولة تحميك

اجبد سلاحك

اضرب في الرقب والصدر

حتي يموتو لكل

شعليك على كل راس عندك دينار

وكان لازم ان رقيك انعلقلك نيشان

هيبة الدولة تحميك

ياشعب حبيت التثور

ترقى هيبة الدولة تستنا فيك

يا تونس ثور

خلي يقولو دخلت في حيط

اشعل وزلزل ارضك

ابلع قتالة اولادك

ياتونس ساحلي قروي جندوبي قفصي راني ولدك

مسلم شيوعي قومي ديمقراطي سلفي راني ولدك

ولدك الي قتلوه بين احضانك

يا تونس هيبتك قمعتنا

يجي نهار وتتزلزل

بصرخة بنتك مسكينة

par rêveur tounsi

شكرا باعث القناة

شكرا باعث القناة

الما والضو التو معناش

شكرا باعث القناة

بنينا الحوش بالقش والتوالات مفماش

شكرا باعث القناة

ارقالي حل ولدي مات

شكرا باعث القناة

باب في الحبس امي معقا وانعاني في اربع خوات

شكرا باعث القناة

يرحم بوك على كالبكوات

خلي انصبربيهم لولاد

شكرا باعث القناة

بطالة والخدمة مفماش

اه مسكين الزوالي

عملوا من فقرك اشهار

عملوا منك فيلم

شكرا باعث القناة و ربي يخلي باعثي كل القنوات

وبراس القناة شوفنة حل لمولا الدر الي بالقش ومعندوش تولات

par rêveur tounsi