تولدت من
كرش الفقر و
القهر
اول متحركت
تحركت في رديف
وفي بنقردان
الكرش تنفخت
وفي بوزيد
جها الحس
والكرتوش بدا
يخيط
لوجعا بدات
تزيد
والدم بدا
يسيل
الحمد لله
ربي سلك وحلها
جابت زوز
تواماة الفقر والبهامة
غزرت لسماء
ودموعها في عينها
وقالت هذاك
الي كتب
و رجعت
تونس حزينة
تتذكر في
الايامات الجميلة
تتذكر في
رديف وبوزيد
قاعد تسئل
في روحها
زعمة على
شنوة توحمة
مسكينة حلمت
بطفلة
تسميها حرية
وإلا كرامة…..
خرجت بش
تنسا
غزرت لطاحونة
القديمة
القاتها رجعت
الدور
اما طحينها
اتبدل
دخلت لدرها
لقات العلم
امتعها
اتبدل ولا
اكحل
و لقات
راجل غريب
لابس عمامة
قطرية
قعاد في
دارها
يلعب معا
ولادها
غزرتلوا و
سهلتو انتي شكون ومنين
جيت
غزرلها وقال
راجلك مات
وفلوسك وفات
هز ولادك
وسمحني حنك الباب
…………….
ملقات متقول
هزت روها وخرجة
مشت تجري
لجبنة
لقبر بوها
فرحات حشاد
بكات ولبوها
شكات
جاوبها صوت
من ورا الجبال
وقاللها مش
بنت حشاد الي
تتهان
متخافش برى
ارجع قلوا راهو حشاد
ما ماتش
