rêveur tounsi

رمضان مبروك على البنيا الي كل صباح يجريوا على الخبزة الم رمضان مبروك على بياع الكاكي في المحطة الي بش تضربو لبطالة رمضان مبروك على الخديمة الي بشتتهتك في الكوجينة رمضان مبروك على العساسة رمضان مبروك على البحارة رمضان مبروك على خدامة المناجم رمضان مبروك على الزوالي الي قاعد في الجامع يستنا في فاعل الخير رمضان مبروك على ليتما والثكالة والمنسين رمضان مبروك على على الكلوشرات الي قعدين على عتبة البرات رمضان مبروك على النصابة رمضان مبروك علي حارق وعلي ولدو مات في الغارق

ياخي صدقت الي سوريا ورثا كذب عليك الي قالك سوريا رزق الوالد سوريا الولادها سوريا لبتها سوريا ماهش مزرعة الوالد ترتع فيها كيما تحب ويينك ورني بطشك رزق الوالد محتل وينك وينك في الجولان ولامالخر تلعط جبان اما متخاف ميعجبك في الدهر كان طولوا وبينتنا ليمات غدوة تصبح سوريا حرة غدوة تفرح درع المجروحة غدوة حفلة في الحمص المنسية وياولد الاسد جايك انهار وتخرج منها كل فار وتكمل فرحتنا ابتحرير الجولان

Mon fils, bois ton lait. Maman, je sens l’armée se rapprocher. Mon fils, bois ton lait pour grandir. Maman, pourquoi grandir si je n’ai pas d’avenir ? Mon fils, s’il te plaît, bois ton lait. Maman, j’aperçois les bombardiers. Mon fils, tu dois dormir. Maman, j’ai peur de mourir. Mon fils, dors. Maman, regarde la rue… il y a tellement de morts. Mon fils, pourquoi tu pleures ? Maman, j’ai tellement peur. Mon fils, dors, un nouveau jour viendra. Maman, non, je ne te crois pas. Mon fils, il y a des bonbons sur le comptoir. Maman, on est visés par un char. Allez, dors mon bébé. Maman, la bombe est lancée.

قالوا انتي زانية والزنا حرام ورجمك واحب جابوا ربع شهود قلت رك مضلومة حد مسمع حبيت تحكي اما الله غالب صوتك عورة حبيت تقول لي صار تقول الي انتي ضحية موش زانية تحب تقول الي بولحية اغتصبك وقتلي كنت في حالة ايقاف حد ميسمعك بولحيا تقي بولحيا يخاف ربي بولحيا مايعمل شية هزوها هزوها هيا نرجمومها على كل حجرة عندك حسنة ميهمش مضلومة ولا خاطيكك سيدي الشيخ قال يوفا الحديث اعطيني حجرتي خنكفرعلى ذنوبي

لشكون تتبسم تتبسم لدنيا الكلبة؟ ولا لي نصبلك المشنقة؟ تيقولي لشكون لشكون تتبسم تتبسم للموت؟ تقول انتي ملا راحة نحنان حرارو مسيبين وتبسمناش شنوة التبسيمة ولا تتمقعر علينا كيفاش بعوج الدنيا قبيلين ولجماعة بولحية مسلمين فسرلي لواش تتبسم وشباهم مراو منك كان التبسيم قلهم قداش انروه قتل كل الخيط قلهم الي كليوم يتنصب الخيط قلهم ضحكة فماشي متفيقوا

يا تونس يامسكينة ياتونس رنا أولادك علاش هكا شهدائنا في القبور وليقتلهم في القصور ولد الزوالي طلع راسو ولد الزوالي حب يثور يثور على سيادو يخسرو عليه كرتوشةتهزوا تبكي أموا نعملوه تصوير غدوى ننسوه حد يثور على سيادنا ولي طلع راسو كرتوش تمحيه هيا علقو تصاور سيدكم اخرجو صفق تويرضاو علينا و قولو يستاهل حد ميثور على سيدنا سكرو الجوامع وعملو صنم لسيادكم وعبدوهم أنعيشو عبيد لسيدنا يا شعب أخطاك قلو تثور الطلع راسك كرتوش تهزك تمحيك ياسيادنا يجي نهار وتغرقو في الدموماتنا و في دمعة ام مسكينة تتكسرو كالصنم ونعيش احرار و كان حبيتي ياتونس ولد الزوالي يولي سيد سيدهم par rêveur tounsi

هيبة الدولة تستنا فيك هيا يبوليس جيب متراكك البس الكاسك اضرب ايمين ويسار شعليك كبير صغير مراة ولا راجل هيبة الدولة تحميك ضربتين غاز في السماء يتفرقوا كالجراد ضربتين في الساقين يتزادزنا زوز موعاقين شعليك هيبة الدولة تحميك اجبد سلاحك اضرب في الرقب والصدر حتي يموتو لكل شعليك على كل راس عندك دينار وكان لازم ان رقيك انعلقلك نيشان هيبة الدولة تحميك ياشعب حبيت التثور ترقى هيبة الدولة تستنا فيك يا تونس ثور خلي يقولو دخلت في حيط اشعل وزلزل ارضك ابلع قتالة اولادك ياتونس ساحلي قروي جندوبي قفصي راني ولدك مسلم شيوعي قومي ديمقراطي سلفي راني ولدك ولدك الي قتلوه بين احضانك يا تونس هيبتك قمعتنا يجي نهار وتتزلزل بصرخة بنتك مسكينة par rêveur tounsi