الأحد، 8 أبريل 2018

تعلم عوم


تعلم عوم في  بلاد غارقة في دم ولادها
جابتهم وتشيطهم لكلبها
تعلم عوم في زبلتها في وسخها وفي وديانها
تعلم عوم فيها وتعلم اغرق
وتعلم كيفاش اتموت وتعلم كيفاش تسكت
تعلم كيفا  اتجري دمك في شورعها وكسياتها
تعلم كيفا اتغني في حبوستها
تعلم كيفاش  اتبول على حكومتها  
تعلم كيفاش   اتحبها  
تعلم كيفاش تنسها

تونس والامل



امل قوم 
امل قوم
قوم نعملوا بلعا
امل يامتعا الاجيال قوم
قوم مرزن عصك
قوم قوم جبيلي ستيكا بيرا ويجا معها
امل وين مشيت ايجا نعملوا واحد امتع الوطن
نعملوا حتى عشرة زايد الوطن ولد قحبة مافيهش امل
امل قوم امل قوم
شقولك نحرقوا الطليان
وبرا متنا انموت معا الامل
امل ستيكتي وفات فما شراب احمر
امل قلي شبيه الوطن كالبوردال ميحكموه كان الهمال
امل امل قوم رني غرقت ومانعرش انعوم







رجعنا





رجعنا للأيام الي القاضي التحقيق النزيه يتبدل فيها من الجلس 

الاولى

ورجعنا للاحكام المعوجة على دوسي فارغ
 هذا القضاء ورجعناه لسطل

رجعنا لأيام الي البوليس فيها كان كلب مسيب يعفس على قانون
ويبول علي كاتبوا
رجعنا المواطن الي باع كرامتوا من اجل خبز ولادوا وفي الخر يبات جيعان
رجعنا لايام الي فيها الكلمة تتحاسب
زعما رجعنا ولا just   فقنا من حلمة العتارس
قلوا ربيع ياخي صباحنا على شتاء قارس
وينوا اليسمين والفل ماني انرى كان في الزبل 

السبت، 21 يونيو 2014

budapest országban, akinek nincs olyan ország

بوداباست بلاد الي معندوا بلاد
متغرب في بلادي متغرب في بلاد اهلي وأجدادي .....هزيت حوايجي ووهجيت شقيت بحور وبرور عديت ايماتي من مدينة لمدينة سايح ضايع جاي يزور .....جاي يلوج على بلادوا………بلادي الي صورتها في خيالي بلادي كيما حبيتها.....بحكم القدر لقيتها ومن بئس زهري طلعت متفمشي لغتي ورغم ذلك رميتلها روحي رميت روحي في ودها في سماها بين زنيقها وفي قصورها ,ورغم جرحها حضنتني حبتني وضحكتلي وعلى ذكرياتها لحزينة حكاتلي .....حكاتلي على خمسينة سنة استعمار روسي حكاتلي على وولادها الي ضاعوا في الغولاق .........حكاتلي على ستيالن الي يغزها بدبباتوا و شعل فيها النار ........حكاتلي على هتلر الي دمرها بين ليل ونهار .....حكاتلي على الصبون الي عملوا من جلد ولدها ويما حكات .....بوداباست المدينة المجروحة بوداباست المدينة الي بموعها حفرت وديان .....بوداباست بلاد الي معندوا بلاد ....جنة فوق الارض يكذب الي قال فينا مزيانا ويكذب الي سمى باريس عاصمة الانوار ويكذب القال موسكوا بلاد الفودكة و البرد ويكذب الي قال برلين بلاد الحفالي والسهريات اي نعم يأما كذاب يأما عمروا لشم ريحة النسمة المجرية الي تضربك وقت الي اتشق فا دنوب عبر جسورها ,,,,,اي نعم بلادي الي حسيت فيها روحي حر انجم نتنفس نجم فيها نفرح نحب وانتحب نتطيح سكر نفكر نكفر نهبل ونعمل الي نحب وكان ضعة نتكا من حيط الحيط حتى نوصل الدار ..........بلادي منغيركم و منغير تنبيركم و منغير عقدكم الاجتماعية والنفسية والوجودية والجنسية وال وال .........اي نعب بلادي وخير من بلادكم بلادكم الحبس لكبير عساستوا محبوسين والمحبوسين فيه عساسة

الاثنين، 10 فبراير 2014

هذيكة هي العيشة، هذيكة هي الموت



عمركشس تمنيت الموت لعبد اتعزو ضحكة معا وجاعتوا ,,,,,قد ما تعدات الايام و السنين ولا نجمت ننسى صورتها الاخرة  صيحتها الاخرة ضحكتها الاخرة  التوا لالفهمة الي صار كانت بينتنا تضحك و التفذلك كانت اتحبني و تنصاحني كنت نشيكيلها وتشكيلي  بين ليل ونهار سي الطبيب الطحان وخر وقدم وهز يده  فهمني شمعنتها طبيب هز يديه براس ام العلم الي في كتب ابن سينا و الفرابي فسرولي شمنعتها طبيب يهز يديه شمعنها طبيب غلط في ديقنوستيك شمعنها كي اتقولي بلاكثر اتعيشلكم جمعة اخرى ,,,,,مرقيتش وقت بش نسأل ولا بش نهبل ولا بش نبكي مزالت جمعة ما بعضنا جمعة ,,,انهار الاول كي حلية الباب وشوفتها وشفت المرض اش عمل فيها معطانيش قلبي وسكرة الباب وبكيت دوبا مسكرة الباب سمعت صوتها اتعيطلي حبتني نرجع بحذها عفسة على قلبي حلية الباب ومشيتلها شيديتلها بدها وكبسيتلي على يدي  وضحكتلي ضحكتلها ومنيش عارف علا شنوة ضحكنا النهار الثاني تخلة نجري وقعدنا نتذكر في الايمات وقتلي كنت صغير كنت بعمايلي النهارالثالث دخلت وحكينا وكلعاد نصحتني وسهلتني شعامل في قرايتي وةحياتي و عالسياسة  وعلى النهضة وعلى حمة  واتحاد الطلبة و انتخبات المجالس العلمية و و و و و  ,,,,,,,حكينا علىى كل شي النهارالرابع دخلت نرقها اذابلة كالشمعة تتوجع وتصيح  الحمها اتهرى كل متتنحا الفاصمة تتنحا معاها جلدة رقية الطبيب والفرملية حايرين معادش فما منين يزرقلها المرفين الوقت يتعدى والوجاعة تزيد قعد بجنبهاشديتلها يدها ورغم وجعتها اتبسمتلي اوضحكت لها  ضحكنا ضحكنا لاين معادش اتنجم اتشد وجتعتها يدها اتكبستا على يدي وصاحت صحت معها  وبكيت حملتها  وهربت نجري مالبيت  انخبي في دمعتي,,,,,,وقتها فهمت الي هي تتعذب فهمت الي في موتها رحتها ومنعرش كيفاش وصلت خممت هكة وقتها مفهمش شي ولليوم مفهمتشي نهار الخامسة بصيف ما تتحرك يدها باردة ورغم كل شي ضحكتها مزالت حسيتها مزالت عندها متقلي ام بصيف تخرج الكلمة  قعدنا شديني  بعضنا  لين رقدة نهار السادس وموصلتش حتى للباب صيحتها سبقني صيحا زلزلت الدار صيحا كالرصاص في قلبي صيحا قد متعداد الايمات مزالت اتزن في وذني جرينا للبيت نرقوا نرقوا منعرش شرقينا نعرش رقيتها منورة البيت راقدة ابتبسيمتها كي ريتها اتمسمرت فب بلاصتي وقعدت نغزلها وانتذكر  في الايمات  وندمت على كل فرصة جاتني ومجيتش طلية عليها المدة الاخرة ……

السبت، 28 ديسمبر 2013

خارج عن السائد و المعهود





"خارج عن السائد و المعهود" مسهلها كلمة يامعلم يامعلم فتورتها غالية بالكشي ساهل انك اتفكر و تنتج فكرة حلمة اتعيش بيها وعليها حلمة أدمرك تخنقك تقتلك اتعذبك,,,,علاش اتحبني انفكر التفكير حرام التفكير عذاب طرقى روحك وحدك في تركينة ضحكة مجرد كلون في مسرح المجتمع ,,,,قالوا فكر وحلم بالحرام الفكرة قبل متوصل نقصفها قبل متقصفني الحلمة نحرق ربها بيدي سيب زبي خليني شادد الحيط كالشعب الكل حيطنا الابيض الزبور حيطنا المخزز المعوج حيط الهم والبهام الحيط الي عداو عليه المهبلة عمروهم وهوما يليقوا فيه ماتوا المهبلة وهو العمروا تليق قالوا "خارج عن السائد و المعهود" خاطي خوك غالط في الادريسة انا داخل في ربور اموا انا الحيط بيدوا

السبت، 30 نوفمبر 2013

انتحار اليسار التونسي





قبل كلشي تحية الى كل من ناضل من اجل الفكرة تحيى الطاهر قرقورة والفاضل ساسي و نبيل البركاتي وميلود ناجح وغيرهم من الرفاق الي قدموا روحهم وقود للفكرة وللقضية ,تحية الى كل شاب حرق شباب و راهن بمستقبلوا من اجل فكرة و من اجل قضية ,تحية الى كل رفيق ورفيقة ناضل من اجل فكرة من اجل قضية ,,,,تحية نضالية وبعد الى ابناء اليسار التونسي العريق تحية الى رفاقي باتحاد الشباب بالنقابين الرادكالين  بولاد الوطد و الوطج والقومين وال وال  تحية خالية من المزايدة الفراغة ,,,,,,,ملخر الوضع الي نحنا فيه وضع ما يعجبش ,,,,,نحب نسائلكم متى سينضج اليسار التونسي ؟  وقتاش توقف الصرعات الداخلية الفراغة و نزعات الزعامتية الفراغة ؟وقتاش نتوحد من اجل الفكرة الي ناضل من اجلها اسلفنا ؟بش اتقولي صرعات قديمة انقلك ضهرلي وقيت بشنطوروا وقيت بش انكونوا عملين ,,,,,بربي فسرولي ملخر و بصراحة و مغير منتهم حد شقولكم في المؤتمرات الكرتونية الي عملوها في اتحاد الطلبة ابربي وبصراحة هل يترقي ذلك بتاريخ هذا المنظمة العريقة والا .........نورمال كول واحد لامم شلتوا وعامل بمؤتمر ابراسوا تقول ماتش كورة  امتع حوم بربي يارفاق انا ولله كي نتذكر اني شركة في واحد منهم نتؤزم ,يارفقي ميسالش خلي الاتزام التنضمي و الحزبي على شيرى و احكي بينك و بين روحك خوذ ادقيقة خمم ققيها وقولي شنوة قولك في الي صار متخفاش التخمام موش محرم بلعكس التفكير والنقد الذاتي  هو العمود الفقري للفكر اليساري ,,,,,,,رفيق بينتنا متحسش ولائك لصبح لشخص والا التنضيم والاللحزب موش الفكرة  موش الفكرة الي ادخلت على خاطرها رفيق بينتنا نعرف الي سعات توصل الدفاع على حاجة انتي رفضها بداخلك ودافع ابشراس حتى ضد روحك توصل تحقد على طرف قريب لك فكريا دون سبب السبب الوحيد ان تنضيمك قرر ذلك ,,,رفقي قولي علاش كي اتحس ان الحاجة غالطة تعفس على روحك واتبع القطيع علاش ترضا الروحك اتكون مجرد علوش نطيح عند اشخاص غير واعية مريضة بالزعماتية ,يا رفيق فيق فيق رنا قعدين نعدموا في اليسار وتاريخوا بيدينا ,,,,,,,,

تعلم عوم

تعلم عوم في  بلاد غارقة في دم ولادها جابتهم وتشيطهم لكلبها تعلم عوم في زبلتها في وسخها وفي وديانها تعلم عوم فيها وتعلم اغرق وتع...