خارج عن السائد و المعهود

"خارج عن السائد و المعهود" مسهلها كلمة يامعلم يامعلم فتورتها غالية بالكشي ساهل انك اتفكر و تنتج فكرة حلمة اتعيش بيها وعليها حلمة أدمرك تخنقك تقتلك اتعذبك,,,,علاش اتحبني انفكر التفكير حرام التفكير عذاب طرقى روحك وحدك في تركينة ضحكة مجرد كلون في مسرح المجتمع ,,,,قالوا فكر وحلم بالحرام الفكرة قبل متوصل نقصفها قبل متقصفني الحلمة نحرق ربها بيدي سيب زبي خليني شادد الحيط كالشعب الكل حيطنا الابيض الزبور حيطنا المخزز المعوج حيط الهم والبهام الحيط الي عداو عليه المهبلة عمروهم وهوما يليقوا فيه ماتوا المهبلة وهو العمروا تليق قالوا "خارج عن السائد و المعهود" خاطي خوك غالط في الادريسة انا داخل في ربور اموا انا الحيط بيدوا

انتحار اليسار التونسي

قبل كلشي تحية الى كل من ناضل من اجل الفكرة تحيى الطاهر قرقورة والفاضل ساسي و نبيل البركاتي وميلود ناجح وغيرهم من الرفاق الي قدموا روحهم وقود للفكرة وللقضية ,تحية الى كل شاب حرق شباب و راهن بمستقبلوا من اجل فكرة و من اجل قضية ,تحية الى كل رفيق ورفيقة ناضل من اجل فكرة من اجل قضية ,,,,تحية نضالية وبعد الى ابناء اليسار التونسي العريق تحية الى رفاقي باتحاد الشباب بالنقابين الرادكالين  بولاد الوطد و الوطج والقومين وال وال  تحية خالية من المزايدة الفراغة ,,,,,,,ملخر الوضع الي نحنا فيه وضع ما يعجبش ,,,,,نحب نسائلكم متى سينضج اليسار التونسي ؟  وقتاش توقف الصرعات الداخلية الفراغة و نزعات الزعامتية الفراغة ؟وقتاش نتوحد من اجل الفكرة الي ناضل من اجلها اسلفنا ؟بش اتقولي صرعات قديمة انقلك ضهرلي وقيت بشنطوروا وقيت بش انكونوا عملين ,,,,,بربي فسرولي ملخر و بصراحة و مغير منتهم حد شقولكم في المؤتمرات الكرتونية الي عملوها في اتحاد الطلبة ابربي وبصراحة هل يترقي ذلك بتاريخ هذا المنظمة العريقة والا .........نورمال كول واحد لامم شلتوا وعامل بمؤتمر ابراسوا تقول ماتش كورة  امتع حوم بربي يارفاق انا ولله كي نتذكر اني شركة في واحد منهم نتؤزم ,يارفقي ميسالش خلي الاتزام التنضمي و الحزبي على شيرى و احكي بينك و بين روحك خوذ ادقيقة خمم ققيها وقولي شنوة قولك في الي صار متخفاش التخمام موش محرم بلعكس التفكير والنقد الذاتي  هو العمود الفقري للفكر اليساري ,,,,,,,رفيق بينتنا متحسش ولائك لصبح لشخص والا التنضيم والاللحزب موش الفكرة  موش الفكرة الي ادخلت على خاطرها رفيق بينتنا نعرف الي سعات توصل الدفاع على حاجة انتي رفضها بداخلك ودافع ابشراس حتى ضد روحك توصل تحقد على طرف قريب لك فكريا دون سبب السبب الوحيد ان تنضيمك قرر ذلك ,,,رفقي قولي علاش كي اتحس ان الحاجة غالطة تعفس على روحك واتبع القطيع علاش ترضا الروحك اتكون مجرد علوش نطيح عند اشخاص غير واعية مريضة بالزعماتية ,يا رفيق فيق فيق رنا قعدين نعدموا في اليسار وتاريخوا بيدينا ,,,,,,,,

حي ميت

معاد شي يتحس معاد شي يخوف ولاحد فينا دايم خلي يقتلوا خلي يقتلوا القلب مات معادش يحس معادش نخافو من صورة القبر و من حفرتوا معادش نخافوا من الدفينة تي حتى من طريق الجبانة حفظناه بقتلوه ندفنه نعيطوا نهرين في الشوارع ونرجعوا يامن حيا الدفينة الجاية ………..لله يرحمهم, قول أمين….

اخرج عيط سلمية سلمية وقول سلاحي فكرة و قلم اكذب على روحك واعمل فيها ذكي وستنى الثورة استنها تو اتجيك من تالي من تحت الكرسي استنى هاني حتى انا نستنى معاك هنا نستناو في الثورة الشعبية في الثورة الي قرينا عيها في الكتب في الثورة الي دفعت عليها اجيال دمها ثورة الي مات عليها فاضل ساسي الثورة الي تعذب على خاطرها  نبيل البركاتي الثورة و المسار الثوري الثورة الي كان يحكيانا عليها شكري بلعيد الثورة ثورة الشعب المضطهد  الشعب المفقر الشعب المستعمر الشعب المخدر … استناها يا رفيق هي جاية من تالي…

ما انلوم حد ما نلوم كان على روحي يزنا وحنا كل واحد يحط في حملوا على غيروا الي صاير فينا اليوم عملتوا انا وانتي ,,,,خلي عزها سكات 

ولله الواحد ولا يتمنا الموت ولا عذاب الضمير الي هوعايش  فيه ميت حي هارب من الواقع  نستنا في الثورة الي بش اتجي منتالي ,,,فماشي كرطوشة ليا وحدي كرطوشة والازوز  كرتوشة طايشا خلي نرتاح  

اخر سهرية حلال

الستيلوا الحر مايموتش كلمة قلتها كذبة كذبتها ,لا يمكن صحيح مايموتش اما يتقهر يتخنق يهبل يضيع ستيلوا الحر مايموتش اما يذوب يتدمر ,عندي ستة شهور وانا ساكت هارب ضايع بين البارات والدبابز حبيت ننسا حبيت نرجع نعيش في بلادي نعيش في بلادي الي حبيتها كيما حبيتها تكون بلادي المزيانة الزبور في روبتها الحمرا بلادي بنية تقهرك بزينها بلادي بنية بألف عاشق وألف شاعر والف زبراط يبكي عليها على عتبة البارات ,,,,,لا لا نحشي فيه هذي حلمتي حلمة العتارس والزهر الفالس,,,,,,,روبتها موش حمرا روبتها بيضة مسخة بالدم ,,,,بلادي وجهها مجروح وجهها يخوف الصغار والكبار حاشى خليقة الرحمان بلادي بنية تسخفك اتيكيكةالي يتعد يبزق والزبراطا بعد مايكملو يبلعو يبول عليها ويروح ما قعد حد يحبها كان المهبول و خوه وعلاش يحبها تي ماهي ولات قحبة شقعد فيها يتحب,,,ماتت من غير دفينة ما خلاطناش حتى على كسكسي فرقها ماتت كيما يموتو قطاطس الشارع في زك البرد ماتت

تونس ماتت تونس ماتت تونس تناكت تونس تناكت والوسكي وفا تونس ماتت قولولي وين قبرها فانا حفرة رميتوها في انا واد تونس ماتت اما مدفنوهاش بجثتها عملو كمية حلال بالوسكي الحلال معا شيخ الحلال عقاب سهرية هبال سهرية مزالت اطول شيخنا يعشق الضرب في الموتا مازال يهزها ويكمل معاها السهرية مازال مازال لين اتجيف كي اتجيف يرميوها في اقرب حفرة في اقرب واد ,,,,وانا وانتي مزلنا في البار مزلنا انكملو في سكرتنا سكرتنا طالت طالت وموتنا قريب